Parlamentuko Mahaiak erabaki beharko du Ahal Duguko kritikoek erregistratutako 'Orain bai' izena erabili dezaketen, zerbitzu juridikoak ondorio argirik ekarri ez duen txosten batean funtzio hori eman eta gero, Carlos Couso Ahal Duguko parlamentari eta alderdiaren soka kritikoko kideak azaldu duenez. Dena dela, haren ustez, ontzat emanen dute izen aldaketa, "gainontzeko taldeek esan baitute ez dela beren kontua".
Dena dela, begi onez ikusi du Mahaiak erabakia astebetez atzeratzea, ez duelako "inor presionatu nahi", eta ongi deritzo, beraz, gainontzeko taldeek gaiaren inguruan hausnartzeari.
Era berean, adierazi du abokatu nagusiak berretsi duela Faltzesen esan zuen hori, alegia, berretsi duela "ongi" eginda dagoela aldaketa. Gauzak horrela, heldu den astean jakinaraziko du Mahaiak zein den bere erabakia.