Iruñerriko euskaldunon agerkaria
euskalerriairratia.eus

Bina urteko espetxe zigorra ezarri diete iazko Iruñeko istiluetan parte hartzea egotzita

Euskalerria Irratia 2018-06-04 08:07   Gizartea  Nafarroa

Fiskaltzak terrorismo delitu gisa epaitua izan zedin nahi bazuen ere, istiluetan parte hartzeagatik zigortu dituzte, ez, ordea, erakunde terroristako kide izateagatik. 

Bina urteko espetxe zigorra ezarri diete iazko Iruñeko istiluetan parte hartzea egotzita
Argazkia: Oreretako gazteekin elkartasunez Iruñean egindako elkarretaratzea. | Ikusi handiago | Argazki originala

Bina urteko espetxe zigorra ezarri die Auzitegi Nazionalak Asier Petrirena, Ruben Iglesias eta Endika Etura errenteriarrei eta Julen Prado beasaindarrati, iaz Iruñean izandako manifestazio baten parte hartzeagatik izandako istiluetan parte hartzea leporatuta, desordena publikoa egotziz. Fiskaltzak terrorismo delitu gisa hartzea nahi zuen, Zigor Kodearen 573. artikuluari erreferentzia eginda, eta zazpi urteko zigorra eskatu zuen gazteetako bakoitzarentzat.

Epaimahaiak, aldiz, esan du istiluetan parte hartu bai, baina ez dagoela probatzerik "erakunde terrorista" bateko kide direnik. Poliziaren txostenak "zehaztasunik gabeak" direla aipatu du, halaber, bai eta berariazko ikerketarik ez dutela egin gertatutakoa argitzeko. 

Sententziaren balorazio positiboa egin dute auzipetutakoen gurasoek, hedabideei egindako adierazpenetan. 

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa