Terrorismoa baztertu dute ez zegoelako modurik terrorismo moduan kalifikatzeko, baina, terrorismo delitu baten moduan zigortu dute, hala adierazi du Euskalerria Irratian Altsasuko gazte batzuen abokatu Amaia Izkok. "Horretarako eraman zuten auzia Auzitegi Nazioanalera. Artifiziosoki sortutako errelatoa eta kalifikazioa sortu dute; modu neurrigabean zigortzea bilatzen zuten, eta horixe egin dute", azaldu du.
Errekurtsoa egin daitezke eta ahal diren guztiak jarriko dituztela nabarmendu du Izkok. "Bidea ez da hemen amaitzen. Sententzia ez da bidezkoa ezta proportzionala ere", uste du abokatuak. "Ez dator bat gertaerekin. Azterketa juridiko sakona behar du baina helegitea jarriko dugula ziurra da".
Terrorismoa ez dagoela dio eta horrek esan nahi du Nafarroan epaitu beharko litzatekeela auzia, eta hori argi geratu dela epai honekin: "Baina dagoeneko ez du konponbiderik. Nafarroan epaitu izan balitz zigor hauek ez lirateke izanene inondik inora. Ez zen tribunal konpetentea baina hala egin dute".
