Jasangarritasuna, berriz erabiltzeko aukera eta birziklatzea helburu izanda 'Itzulera duten ontziak' izeneko kanpaina abian da. Ekonomia zirkularraren eredua txertatzea izanen da etorkizuneko xede nagusia eta horretarako bidea egiten ari dira. Greanpeace, Ekologistak Martxan, Emausko Trapuketariak, Recirula eta Retorna taldeak ari dira besteak beste lan hori egiten. Iruñean eta Lizarran izan berri dira. Orain Nafarroako beste herri eta txokotara ere iritsi nahi dute.
Edukiontzi handi bat jartzen dute plaza erdian. Bertan, botilak eta potoak botatzen ahal dira, horiek berriz erabiltzekoa aukera izan dezaten. Botatako ontzi bakoitzeko 0,10 euro eskuratuko ditu bueltan herritarrak. Hori baita erosketa egiten duenean ontzi horrengatik ordaintzen duena. Diru hori itzuli eginen zaio eta hurrengo erosketetarako baliagarri izanen du.
