Ikurrina Nafarroako herrietan ez duela PPk zintzilik ikusi nahi ez da gauza berria. Oraingoan Ana Beltranek burofaxak bidaliko ditu. Herrietako alkateei bideratuko die mezua eskatuz ez dezatela festetan ikurrinarik jarri udaletxeko balkoian. Hala eginez gero delitu izan litekeela ere ohartaraziko die prebarikazioagatik.
Iruñea, Aiegu, Berriozar, Burlata, Lizarra, Etxarri-Aranatz, Barañain, Tafalla, Atarrabia, Irurtzun eta Olazti dira festatan ikurrina udaletxeko balkoian zintzilikatzeagatik zigortu dituztenak. Aurten ikurrinarik ez jartzeko eskatuko die PPk. "Ikurrinak jarriko balituzte ez dugu zalantzarik izanen salaketa jartzeko", egin du mehatxu Beltranek.
