Palestina Israelek okupatutako lurretara bueltatzea defendatu du Nafarroako Parlamentuak

Euskalerria Irratia 2018ko mai. 22a, 08:57
Argazkia: Palestinarekin elkartasunez egindako elkarretaratzea. / Nafarroako Parlamentua

Israelgo armadaren erailketak gaitzetsi ditu, eta doluminak eta elkartasuna azaldu dizkie hildakoen familiei. Era berean, bai Espainiako estatuari bai EBri dei egin die, Israel zigortu eta "presio neurriak" har ditzaten.

Elkarretaratzea egin du Nafarroako Parlamentuak, Palestinako herriarekin elkartasunez eta Israelgo estatuaren "errepresio kriminala" salatuz. Era berean, bi deklarazioa onartu ditu. Bat, Palestina Israelek okupatutako lurretara bueltatzea defendatuz; halaber, "Itzuleraren martxan" hildako 100 palestinarretik gora izan direla gaitzetsiz eta elkartasuna adieraziz familiei, saminean lagun dela adieraztearekin bat. 

Era berean, Espainiako estatuari eskatu dio Israelekin dauzkan harremanak hausteko, "Palestinaren gaineko errepresio politika kriminala eten arte". Eta ildo beretik, bai Espainiako estatuari bai EBri dei egin die, Israel zigortu eta "presio neurriak" har ditzaten.

AEBek enbaxada Jerusalemen jartzea ere ez du begi onez ikusi, "ilegala izateaz gainera, bakearen kontrakoa" delako. Deklarazioa Palestinako eta Israelgo enbaxadei iritsiaraziko die. 

1967ko mugak defendatu daitezen

Eta bigarren adierazpenean ere elkartasuna adierazi diote Palestinako herriari eta konpromisoa azaldu dute 1967an hitzartutako mugak ardatz, ""negoziatutako konponbide bat" lortzeko. 

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!