Bi heren kalean utzi nahi zituen Loxin enpresak. Halakorik ez da gertatuko azkenean. 60 langile ari dira une hauetan lanean Eskirotzeko lantokian eta horietatik 29ren kaleratzea “adostu” dute. Aurretik adostuak zituzten kalte-ordainak ere hobetuko dizkiete horiei guztiei.
ELA sindikatuak nabarmendu du “lorpena” dela eta langileen “borrokari” esker lortutakoa. Hala, Nafarroako Gobernuari mezua ere helarazi nahi izan diote: “Diru publikoz lagunduta dauden enpresek enplegu suntsiketa ekiditeko neurriak eta baliabideak bideratzeko”.
40 kaleratze jarri zituen Loxin enpresak mahai gainean. Azkenean, 29 izanen dira enpresa utzi beharko dutenak. Horiei, 20 eguneko kalte-ordaina eman ordez, 38 emanen zaizkie. Joan den apirilaren 19an jarri zuen abian Lan Erregulazio Espedientea. Greba mugagabean ziren langileak maiatzaren 10az geroztik.