Onak dira Osasunbideko artatze datuak, Espaniniako Osasun Ministerioak emandako informazioaren arabera: 2016ko abenduko eta 2017ko abenduko datuak alderatuz, 5.379 lagun gutxiago daude itxaron zerrendetan. Hau da, 40.221 esperoan zeuden 2016an eta 34.842, 2017an.
Ez hori bakarrik, lehen kontsultarako itxaron zerrendak %13an murriztu dira; nolanahi ere, egun kopuruari begiratuz gero, ez da horren positiboa datua, izan ere handitu egin da lehen aldiz artatzeko zain daudenen zifra, 2014ko datuak aintzat izanda: 2014an, batez beste, 47 egun egoten ziren zain; 2017an, 67. Dena dela, Osasun Departamentuaren hitzetan, larritasun handiena duten kasuak lehenesten dutelako izan daiteke.
Bestalde, kirurgiari dagokionez, behera egin du, %14'8an, 1.331 lagun gutxiago baitaude urte batetik bestera. Sei hilabetetik gora zain daudenen portzentaiak ere behera egin du, %7'8koa baita orain eta %17'3koa lehen.
