Nafarroako Kutxaren desagertzearekin kezkatzen hasi zen CANeko zuzendari ohi Lorenzo Riezu 2011n. kezka hori kutxako kontseilari zenbaiti helarazi ziela ere nabarmendu du gaur parlamentuko ikerketa batzordean. "Norabide aldaketa bat beharrezkoa zela adierazi nien", esan du Riezuk. Baina halakorik ez zela posible izan nabarmendu du.
2002-2009 urteen artean Nafarroako Kutxak hartu zuen bidearekin hasi zen egoera okertzen. "2010ean Banca Civica osatzen zuten gainerako kutxek hartu zuten bidearekin bat egiten zuela ikusirik, uste nuen ez zukeela amaiera onik izanen", esan du. Horregatik, gertatzen ari zena ikertzen hasi zela aitortu du Riezuk eta ondorio zenbait ere atera zituela gogoan du. Horiek guztiak CANeko kontseilariei helarazi zizkiela esan du. Norabide aldaketa izan ote zezakeen jakin nahi zuen baina halakorik ezin zela egin konturatu zen.
La Caixak irentsi zuenean Nafarroako Kutxa agian "gutxiegi" oraindu zuela uste du Riezuk. Izan re, garai haietan beste kutxengatik gehiago ordaindu zela izan du gogoan."La Caixak bazekine zer egiten zuen", esan du.