Euskararekin obsesioa zenbaterainokoa den adierazten duen beste ekimen bat: 2011tik parlamentuan zenbat ekimen eskatu ziren euskaraz eta zenbat erantzun ziren hizkuntza horretan jakiteko eskaera erregistratu zuen atzo UPNk. 11:09an erregistratu zuen eskaera hori Monica Domenech erregionalistak egin zuen. Ordubete beranduago 12:09an Domenechek berak erretiratu zuen bestelako justifikaziorik gabe.
Bi galdera dira nagusiki eskaera horretan planteatu zituenak Domenechek:
1. Zenbat ekimen izan diren parlamentuan euskaraz eskatuak eta erantzunak eta zenbat izan diren gaztelaniazkoak. 2011-2015 legealdiari zegozkionak eta 2015-2019 legealdiari zegozkionak aztertzea nahi zuen.
2. Zenbat informazio eta erantzun izan diren euskaraz emandakoak eta zenbat gaztelaniaz. Kasu guztietan jakin nahi zuen, zenbat izan ziren gaztelania hutsean, zenbat euskara hutsean eta zenbat bi hizkuntzetan.
