Lehen Mailako Arreta hobetzeko Estrategia garatzen ari da Osasun Saila eta laster Gobernuak onartuko du. Lehen Mailako Arreta bera berriz definitzetik hasi dira. Gaixotasuna eta herritarra izanen dira oinarria, eta horien beharrei erantzutea izanen da lehentasuna.
Prebentzioa indartzea, antolaketa hobetzea, azkartasuna, lurralde osoko ekitatea eta landa eremuko larrialdiak lehenestea. Horiek guztiak bildu dituzte plan estrategikoan.
Berrikuntzen artean, nabarmenetakoa, Osasun-Barrutiak sortuko dituztela. Kudeaketa integratua eskaintzeko tokiak izanen dira: larrialdiak, ospitale aurreko arretak, buruko arazoak, sexualak edota menpekotasunari laguntza eskaintzeko.
Kezka nagusiak zeintzuk diren ere jaso dute: baliabide nahikorik izanen ote den, garapen erabatekoa lortuko den, koordinazioa landuko den eta araudi berria sortuko den plan estrategikoa garatzeko.
