N-121-A (Iruñea-Behobia) errepidearen obren ondorioz, N-121-B (Oronoz Mugairi-Dantxarianea) eta NA-1210 (Belateko portua) bideek trafiko arazoak dituzte. Horregatik, ekainaren 4tik aurrera, kamioientzako murrizketak izanen dira.
Ibilgailu astunak matrikularen arabera pasatzen ahalko dira: bikoitia dutenak, aste batean; beste batean, bakoitia dutenak. Uztailaren 15era arte amaituko dira neurriak. Entzungor eginez gero, zigorra izanen dute kamiolariek.
Gainera, polizia gehiago izanen da errepidean eta seinalizazio hobea jarriko dute. Honen guztiaren berri emateko informazio kanpaina garatuko du gobernuak.
