Zenbakiez beteriko astea izan dugu azkenekoa, euskal gatazkan izan diren zauritu eta hildakoenak diotenez. Baina irudipena dut ez direla denak zenbait komunikabide eta erakundeek aipatu dituztenak.
Ertz eta aktore bat baino gehiago izan ditu euskal gatazkak, eta konponbidearen bidean aurrerapausoak eman nahi badira denak hartu beharko dira kontuan.
Baina tamalez gaur ez dugu horrelakorik irakurriko. Kontrakoa baizik. Aurten 40 urte beteko dira Espainiako Poliziak sanferminetan German Rodriguez hil zuela. Eta atzo izan ziren gertakariei buruzko informazio ofiziala desklasifikatzeko proposamena eztabaidatu zuen Espainiako Kongresuan. Ezezkoa jaso du eskariak. Zergatik ez da biktima denekin berdin jokatzen? Nor da aldaketarik nahi ez duena?
