Iruñerriko euskaldunon agerkaria
euskalerriairratia.eus

Ikur frankistak kentzen ez dituztenei isunak jartzen ahalko zaizkie

Euskalerria Irratia 2018-04-26 10:41   Gizartea  Nafarroa

Parlamentuak aintzat hartu du lege proposamen bat ikur frankistak kale eta espazio publikoetik erretiratzen ez dituztenei isunak jarri ahal izateko. 

Ikur frankistak kentzen ez dituztenei isunak jartzen ahalko zaizkie
Ereinotz koroa kendu zuten. | Ikusi handiago | Argazki originala

Izquirda-Ezkerraren lege proposamena izan da eta agiri horri babesa eman diote Geroa Bai, Bildu eta Podemos-Ahal Duguk. Osoko bilkuran gainera PSNren babesa ere izan du eta UPN zein PPk kontrako botoa eman dute. Aintzat hartu dute oraingoz lege hori, ikus frankistak kale edo espazio publikotik erretiratzen ez dutenei isuna jartzeko, eta hemendik aurrera tramite gehiago pasa beharko ditu behin betiko: lehenbizi parlamentuko batzordean tratatuko dute eta horretan enmendakinak ere txertatzen ahalko zaizkio eta gero berriz ere osoko bilkurara itzuli beharko du behin betiko onartzeko. 

1936ko kolpe militarreko biktimen legeari aldaketa bat sartu nahi zaio gaur aztertu duten lege proposamen horren bidez. Hala, ikur fankistak kentzen ez dituztenei isunak jartzeko aukera jasotzen du: 2.001 euro eta 10.000 euro artean larriak diren ekintzengatik eta 200 eta 2.000 euro arteko isunak arinagoak direnengatik. 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa