Colina, Untxalo, Gaztelumendi eta Alkaiza, gaur, Katakraken

Euskalerria Irratia 2018ko api. 27a, 09:05
Argazkia: Ekaitz Astiz eta Alazne Untxalo bertsolariak artxiboko irudi batean.

Alternatiben Herria ekimenak antolaturiko bertso saioa izanen gaur, ostiralarekin, 19:00etan, Irati Majuelo gai jartzaileak gidatuta.

There is no alternative esan zuen Margaret Thatcherek, Erresuma Batuko lehen ministroa zenean, kapitalismoaren atzera bueltari erreferentzia eginez: ez dago alternatibarik, merkatua, mundializazioa eta kapitalismoa beharrezkoak dira; ez dago besterik. Horregatik, lelo hori parodiatu nahi izan dute Alternatiben Herriko kideek, hain justu There is no alternative lerroburua izanen duen bertso saio baten bitartez. 

Saioa Alkaiza, Alazne Untxalo, Sustrai Colina eta Beñat Gaztelumendi ariko dira bertsotan, ostiralean, 19:00etan, Katakraken, Irati Majuelo gai jartzailearen gidaritzapean.

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!