Idoia Villanueva Podemoseko senataria izan da legealdi honetan Madrilen. Bere izena ateratzen hasi da 2019ko Nafarroako hauteskundeetan Gobernuburu izateko hautagaitzarako. Zerrendan lehen izena izan liteke Idoia Villanuevarena. Podemos taldeko zuzendaritzaren babesa luke eta baita idazkari nagusiarena ere, Pablo Iglesiasena. Egun Podemos-Ahal Duguk bizi duen barne krisiarekin amaitzeko modua izanen litzateke Villanuevaren aukeraketa, erdibideko irtenbidea. Espainiako Podemosek igorria lioke proposamen hori Nafarroako Ahal Duguren adarrari.
2015ean izendatu zuten senatari. Nafarroako Gobernuak izendatu zuen Podemos-Ahal Duguren ordezkari gisa eta Geroa Bai, EH Bildu eta Izquierda-Ezkerraren babesak izan zituen, baita noski, bere alderdiarenak ere. Hasiera batean talde mistoaren barrutik ekinen zion lanari baina geroago Podemos taldearen barrutik ari da.