Pentsio baxuenak osatuko ditu Nafarroak, lehen aldiz. 13.185 pentsionistek jasoko dituzte Nafarroako Gobernuaren laguntzak, errenta aitorpenaren bitartez. Mikel Aranburu Ogasun kontseilariaren hitzetan, "bestela lortu ezinen luketen gutxiengoa" ziurtatuko die diru gehigarri horrek; "gutxieneko" hori 633 euro dira.
Egun, Nafarroako Gobernuaren errenta gehigarria jasotzen duten 23.000 pertsona daude, eta horrek 18 eta 20 milioi euro arteko kostua dauka.
Errenta aitorpena, martxan
Horrez gainera, errenta aitorpena egiteko modua urterokoa izanen dela azaldu du Aranburuk, bai eta aurten bulego berri bat ireki dutela, Donezteben.
Gainera, graciasati.info webgunea ere martxan dago eta guztira 123.469 bisita izan ditu, kanpaina hasi zenetik.
Proposamenei dagokienez, 181.504 egin dizkiete 236.626 zergadunei, esperotako proposamenen %55a.