Maite Mutuberria Eltzaburun jaio zen 1985ean. Ikus-entzunezko komunikazioan lizentziatu ondoren, ilustrazioa ikasi zuen Madrilen. Hezkuntza proiektuak eta haur eta helduentzako hainbat liburu ilustratu ondoren berak aurkezten duen lehendabiziko album-liburua da "Lohia" Pepitas Ed. argitaletxearekin plazaratutakoa. Gaztelaniazko bertsioak "Enorme suciedad" du izena. Mutuberriak erran digunez krisi baten koadernoa da: "Bolada ilun batean sentitu nuen neure burua eta marraztea izan zen ulertzen ez nuen hori adierazteko modua". Eltzaburuko ilustratzaileak ez du gehiegi kontatu nahi irakurleari interpretaziorako bideak zabalik uzteko. Gogoeta grafiko ausart, sentikor eta beharrezkoa da. Pentsamenduen eta emozioen ezin ulertuaz askatzeko irtenbidea.
‘Lohia’ da Maite Mutuberria ilustratzaile ultzamarraren lan berria. Depresioa, norbere burua bilatzea, sormen krisia edo denbora alferrik galtzea, nahi bezala ulertu. Maitek ‘Lohia’ deitu dio bilatutako sentipen multzo horri.
Erlazionatuak
Maite Mutuberria 'Lohia'
2018 api 09 Iruñerria
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!