Manu Aierdi: "AHTren Gasteizerainoko bideak edukiera nahikorik izanen ote duen zalantza dugu"

Euskalerria Irratia 2018ko mar. 14a, 13:55
Deskargatu Info Ahotsak :

Nafarroako Gobernuak alegazioak aurkeztu berri dizkio Abiadura Handiko Proiektuari: Euskal Y-rekin eginen den loturarentzat bi aukerak mahai gainean mantentzea nahi dute, Gasteizkoa eta Ezkio-Itsasokoa. Gainera, hirugarren aukera bat azter dadila ere nahi du Aierdik. 

Garapen ekonomikorako presidenteordeak argi utzi du zergatik aurkeztu dituzten alegazioak: ez dute horren argi ikusten Gasteizko aukerak edukierari, dagokionez gaitasun nahikorik izanen duen. Horregatik zalantzak dituzte eta Gasteizko lotura zein Ezkio-Itsasokoa mantentzen segitzeko nahia plazaratu du garapen ekonomikorako presidenteorde Manu Aierdik. 

Abiadura Handiko Trenaren aldeko jarrera hartua du Gobernuak, nahiz eta, laukoaren barruan ez duten jarrera bateraturik: EH Bildu, Podemos-Ahal Dugu eta Izquierda-Ezkerra ez datoz bat. 

 

Ekonomia Nafarroa

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!
Tokikom logotipoa
Gertuko informazioa, euskaraz
Tokikom publizitatea