Etxebizitzak alokairuan jartzeko diru-laguntzak ematen segitzeko asmoa du Gobernuak. Joan den urtean hasi ziren lan horretan. Alokairu sozialak bultzatu nahi dituzte eta bereziki hutsi dauden etxebizitzak erabilgarri jarri nahi dituzte. Hori hala, iaz 114 diru-laguntza banatu zituzten eta 78 etxebizitza berri sartu ziren alokairu sozialeko planean. Hala, egun 553 etxebizitza daude alokairu sozialean sartuta Nasuvinsak sustatzen dituen egitasmoaren barruan.
Miguel Laparra kontseilarian nabarmendu du aurrera segituko dutela diru laguntzak sustatzen. Asmoa ez da etxebizitza hutsak dituzten herritarrei zigorra ezartzea edo etxea kentzea, baizik, alokairuan jartzeko erraztasunak ematea, esan du.
Nafarroan, INEren arabera, Espainiako Estatistika Institutuaren arabera, 30.000 etxebizitza huts leudeke. Horietatik erdiak baino gehiagotan pertsona juridikoak dira jabe.
Etxebizitza horien erregistro bat osatzeko lan taldea jarriko da martxan eta hutsik dauden eta erabilgarri jarri daitezkeen etxebizitzak sustatzen ahaleginduko direla nabarmendu dute.
