Nafarroako biraren bigarren etapari ekinen diote Altsasuko herritarrek

Tafalla, Artaxoa, Mendigorria, Gares, Mañeru, Zirauki, Lorka eta Villatuerta zeharkatuko dituzte, tabernako liskar bat medio auzipetutako dauden Altsasuko gazteen egoeraren berri emateko.

Nafarroari bira emanen diote Altsasuko herritarrek, ostatuko liskar bat medio "terrorismoa" egotzi dieten gazteen auziaren berri emateko. Tafalla, Artaxoa, Mendigorria, Gares, Mañeru, Zirauki, Lorka eta Villatuerta zeharkatuko dituzte, bigarren etapan.

Helburua: "Altsasuko zortzi gazteak, beren familiak eta herria bera pairatzen ari diren justizia eza salatzea". Hala, herri bakoitzean bertako herritarrek, elkarteek eta animazio taldeek jasoko dituzte.

Zabala izanen da informazio bira eta ahalik eta herri gehienetara jotzen ahaleginduko dira. Kasuaren "proportzionaltasun eza" salatu izan dute behin eta berriz: "Demokrazia batean bermatuta egon beharko liratekeen eskubideak eta printzipioak urratuak izan dira: errugabetasun printzipioa, legearen proportzionalitatea eta erabilpen ez-estentsiboa, defentsarako eta askatasunerako eskubideak...".

Hitzordu gehiago prest

Martxoaren 10ean, Leitzaldea, Baztan, Bortziriak eta Nafarroa Beherea. 17an, bizikleta martxa, Iruñerritik, Gazteluko plazan. 24an, Tuteran eta Erriberan. 

Jende mordoa inplikatu da martxaren prestakuntzan: hamazazpi babes talde sortu dira eta 690 pertsona inguru jardun dute antolakuntzan.

Erlazionatuak

Altsasukoa "terrorismo delitua" ez dela aldarrikatu eta kasuaren berri emateko Nafarroari bira emanen diote

Nafarroa

Herriz herri joanen dira Altsasuko hainbat herritar, gazteen auzia zertan den azaltzeko, izan ere, bertako zortzi laguni, guztira, 375 urteko espet...