Enpresek eta entitateek bi urtez etxe hutsak badauzkate, eta, abisatuta ere, erabilpenik gabe mantentzen badituzte, jabetza kenduko die Nafarroako Exekutiboak. Neurria errekurrituta zegoen, PPren esku dagoen Espainiako Gobernuak helegitea jarri ostean; nolanahi ere, Nafarroako Gobernuaren neurria babestu du Kontituzionalak, eta, beraz, desjabetzak posible izanen dira.
Neurri hori aintzat hartu badu ere, 2013ko Nafarroako Legearen beste alderdi bat bertan behera utzi du: larrialdi egoeran dauden etxetik kaleratutakoei bizitokia ematea "interes sozialekoa" zela ezartzen zuen Nafarroako legeak; posible egiten zuen entitate finantzieroen, hauen filialen eta aktiboen entitate kudeatzaileen etxeen desjabetzea ekiditeko, jabetza kentzea. Konstituzionalaren aburuz, ordea, estutaren eskumenak "inbadituko" lituzke Nafarroak hori eginen balu.
