Memoria Historikoaren Foru Legean txertatzeko proposamena egin dute gaur Izquierda-Ezkerrak eta Batzarrek. Sinbologia frankista eta frankismoa goratzen duten aipamenak kentzen ez dituztenak zigortzea. Isun moduan jarriko litzaizkieke zigor horiek eta bi tarte hartuko lituzkete: alde batetik, zigor arinak:200 eta 2.000 euro artekoak eta zigor larriak, 2.000 eta 10.000 euro artekoak. Diruz zigortzeaz gainera, bestelakoak ere planteatu dituzte: diru-laguntzarik gabe gelditzea, babes ekonomikorik ez izatea eta halakoak.
2013. urtean onartu zuen 1936ko biktimen aitortza egiteko foru legea. Hutsune bat aurkitu dute Batzarre eta Ezkerrakoek. Hain zuzen ere, derrigortuak dauden eta egiten ez dutenek, ikur eta aipamen frankistak kentzea, zigorra jasotzearena.
Parlamentura iritsiko da proposamena laster eta laukoaren babesa izatea aurreikusten dute. Dena dela, harago joan eta gainerako alderdien babesa izatea ere espero dute.