Aniztasunaren aldeko aldarriek hartu zuten atzo Iruñeko udaletxeko plaza; trans borrokaren bandera eta txalo zaparradak. Izan ere, jendetza batu zen ostiralean bere buruaz beste egin zuen gazte transexual Ondarrutarra oroitzeko. Osakidetza hormona tratamendua noiz emanen zain zegoen gaztea.
"Izateko erak inposatzen dituen sistema zapaltzaile baten ondorioa" izan da bere buruaz beste egitea, atzoko elkarretaratzean hitza hartu zutenen esanetan: "Babestuko gaituzten legeak behar ditugu, hezkuntza eta osasun sistemak eta askeki bizitzea ekiditen diguten traba administratiboak kentzea".
Gizarte "bidezkoago" baten alde azaldu dira, "aniztasuna baloratuko duen gizarte baten alde".
