Adinekoentzako Eguneko Zentroetako itundutako plaza kopurua bikoiztu eginen duela iragarri baitu Gizarte Gaietako presidenteordeak, Miguel Laparrak. Eta plaza kopuru bikoitza izateaz gainera Nafarroako herri gehiagotara zabalduko ditu eta prezioa %32 merketuko die erabiltzaile horiei.
Erabiltzaileek edo euren familiek aukera izanen dute gainera zentroa aukeratzeko. Plaza kontzertatu gehiago eskaintzeaz gainera, zentro horiek eskaintzen duten zerbitzua malguagoa ere izatea ahalbidetuko du akordioak:
Guztira 262 plaza izanen dira itundu eta publikoen artean. 120 izanen dira gehienez publikoak izanen direnak eta gainerakoek ituna izanen dute Gobernuarekin. Bai publikoak zein hitzartutakoak ere handitu egin dira: publikoak orain arte 79 izan dira, eta orain 140 izanen dira; itundutakoak 59 izan dira eta orain 120 izanen dira.
4 urterako akordioa dela esan du Laparra presidenteordeak eta zazpi milioi euroko inbertsioa izanen du. Gobernuak, plaza publiko bakoitzeko 1.234 euro bideratuko ditu.
Tarifetan, lehen aurreratu bezala, norbanakoek beherapena sumatuko dute: 473 euro hilabetero ordaintzetik 315 euro ordaintzera pasako dira. Eta gainera, eredu malguagoa izanen denez, jardunaldi erdiz eguneko zentro horiek erabiliz gero 160 euro ordaindu beharko ditu erabiltzaile bakoitzak hilean.
