Otsailaren hemezortzian, mundu osoko 80 emakume zientzialari Antartikara joanen dira. Haien artean izanen da Uxua Lopez Flamarike ingeniari tafallarra. Lopezek haize errotekin egiten du lan, eta dagoeneko munduko bost kontinenteetan izan da.
Lopezi elkarrizketa bikaina egin diote Antsoaingo Ezkaba ikastetxe publikoko ikasleen Ezkaba Telebistan.
Ingeniari tafallarrak azaldu duenez, espedizioak bi xede ditu: aukera berdintasuna aldarrikatzea eta aldaketa klimatikoaren aurka egitea.
“Emakume zientzialariek askoz aukera gutxiago daukagu, soldatarik onenak eta lanposturik interesgarrienak gizonezkoentzat direlako”, salatu du. Azaldu duenez, Antartikara doaz “han kutsadura oso baxua delako eta hala aldaketa klimatikoaren ondorioak oso ongi ikusten direlako.