Nafarroako erakunde publikoek duten zorraren ikuskaritza, justifikazioa eta aurre egiteko moduen inguruko ponentzian, gaur, Asun Olaetxea, Kontuen Ganberako presidentea izan da parlamentuan.
Ikuskaritza egin zuen Kontuen Ganberak, sozietate publikoen zorra aztertzeko eta huts egindako abalez datuak biltzeko.
Azken urteotan erdira jaitsi da sozietate publikoen zorra. 2012an 414 milioi eurokoa zen; 2015ean 204 milioi eurokoa zen.
Zorraren zatirik handiena bankuekin dutena da, eta gainerakoa, enpresen artekoa da. Bankuekin zuten zorra 368 milioi eurotik 160 milioira murriztu zen iaz. Lau enpresek dute zorraren parterik handiena:
Huts eginiko abalen kasuan, 39 milioi eurokoa da. Gehiena, Nafincok emanak ziren, gainerakoak Sodenak. Enpresa bakar batek hartu zuen gehiengoa. Enpresei emandako 12 milioi euroko abalak gainera, mailegu bilakatuak dira. Hiru enpresatan dago mailegu horien %70.