'Iristea ez da zaila. Nik Alde Zaharrean erosten dut' goiburuarekin larunbatean zenbait saltokik abian jarri zuten kanpaina gezurtatu nahi izan dute. 'Eskerrik asko etortzeagatik, badakigu zein zaila den iristea', idatzirik zuten kartelak agertu ziren saltoki hainbaten erakusleihotan. Iruñea Atseginago egiteko Planak bezeroak galaraztea eragin diela erakutsi nahi izan dute kanpaina horrekin. Erdiguneko saltoki txikietako leihoetan jartzeaz gainera, saltoki handi eta kate handietako paretetan ere jarri zituzten, besteak beste, Corte Inglesen.
Berehala baina, agertu dira bestelako mezuak. 'Iristea zaila ez delako. Nik Alde Zaharrean erosten dut', goiburuarekin beste zenbait kartel agertzen hasi dira, bereziki sare sozialen bitartez. Autoa erabiltzen ez duten bizilagun asko eta beste garraiobide batzuen bidez Alde Zaharrera iristen diran zenbaitek Alde Zaharrean erosten dutela eta ez dela zaila bertaratzea. Saltoki txikietan erostearen aldeko mezua izan da batez ere zabaltzen hasi direna.