Berdintasunaren aldeko lana saritzea da Berdinna sariekin lortu nahi dutena. Ikusaraztea emakumeen eta gizonen alde aritu direnek egindakoa eta hori modu ofizialean erakustea. Otsailaren 12ra arte izanen da aukera proposamenak egiteko.
Foru dekretu bat onartu zuen atzo Nafarroako Gobernuak, horren bidez Berdinna saria ematen hasteko, eta horrekin "aitortza" publikoa egiteko gizonen eta emakumeen arteko berdintasuna sustatzeko ekintzak egiten dituztenei. Herritarrekiko eta Erakundeekiko Harremanetako kontseilari Ana Ollok gogora ekarri zuen "bide luzea" dagoela alorrean, eta garrantzitsuak direla halako keinuak.