Atzeratzen ari da Hezkuntza arloko ituna. LAB sindikatuak hala uste du; urtebete Maria Solana buru duen Departamentuaren negoziatzen airtu badira ere, Hezkuntzak ez duela "hitza bete", behin betiko proposamena atzeratu baitu. Horregatik, elkarretaratzea egin zuen atzo sindikatuak, Hezkuntza Departamentuaren aurrean.
Urtarrilaren 19an eta 26an gai horren inguruan mintzatzeko bilerak zeuzkaten hitzartuta Departamentuarekin, baina "agenda arazoak" medio bertan behera utzi izana kritikatu du LABek, halaber; bere jarrera "eraikitzaile eta negoziatzaileaz" baliatu egin direlakoan dago.
"Sindikatu honen aburuz, premiazkoa da aipatu itun hori sinatzea, aurki aurre-matrikulazio kanpaina izango baita eta lortutakoaren arabera erabat baldintzatu baitaiteke datorren urtera begirako antolaketa. Beraz, epeei dagokionez, marra gorri guztiak gainditu dira", adierazi du, prentsa ohar baten bidez.
Epeei ezarritako "marra gorriak" gainditu dituztelakoan dago eta "konpromiso zehatzak" eskatu ditu.
