2009. urtetik bada Nafarroan erregistro bat lan harremanetan gertatzen diren jazarpen kasuak jasotzen dituena. Gehienak Lehen Mailako Arretarako Medikuarenean edota Mediku Ikuskaritzetan ikertu eta analizatu dira. Kasu gehien 2015ean jazo ziren: 237 izan ziren urte hartan. 2016an 210 eta iaz, 211 kasutan salatu zen edo jaso zen erregistro horretan jazarpena pairatu zutela. Emakumeek pairatzen dituzte halako erasoak batez ere, gizonek baino bi aldiz gehiago. Gehienetan zerbitzuetan lan egiten dutenen artean izaten dira jazarpen kasuak: ostalaritzan, administrazui publikoan eta bestelakoetan.
Jazarpenei aurre egiteko protokoloa
Martxan da jazarpenen aurrean zer egin aztertzen duen gida. Lehenik, prebentzian jartzen du indarra. Gero, legea betetzen ote den aztertzen du, lan baldintzen hobetzeari buruzko informazioa helarazten du, bitartekaritzaren bidezko laguntza iradokitzen du, lanpostuak dituen arriskuen inguruko hausnarketa egiten laguntzen du eta formazio gehiago izateko jarreran ere jartzen du fokoa. Guztira bederatzi ataletan bereiztu dute 'Lan jazarpenari aurre egiteko protokoloa' gida.
