Xabier karrikako Karrikiri Euskal Dendatik egin dugu Metropoli Forala magazina, gaur. Karrikiriko kide Ondarru Etxaburu eta Goretti Beunza elkarrizketatu ditugu irratsaioaren hasieran. Horren ondoren, Euskaltzaleen Topaguneko Nafarroako arduradun Oskar Zapatarekin mintzatu gara. Euskaraldia, hizkuntzaren erabilera areagotzeko ekimenaz hitz egin dugu Amets Arangurenekin. Aurrera jarraituz, Xabier karrika goitik behera zeharkartu dugu Xabier Santamaria irakaslearen eskutik. Kale hau gertutik ezagutzeko parada izan dugu. Médicos del Mundo erakundeko kide Isa Egiguren etorri zaigu ondoren. Gure artean bizi diren etorkinekin egiten duten lana azaldu digu. Amaitzeko, Sanfermines 78 Gogoan! plataformako ordezkari Sabino Cuadrarekin solastu gara. German Rodríguez hil zutela 40 urte betetzen dira, aurten. Egitarau zabala prestatu dute hurrengo hilabeteotarako.