Iruñerriko euskaldunon agerkaria
euskalerriairratia.eus

Klasean transfoboa izateagatik zigortu dute Tafallako institutuko irakasle bat

Euskalerria Irratia 2018-01-12 08:34   Gizartea  Nafarroa

Behin behinean irakaslearen jarduna eten du Hezkuntzak, gertatutakoa ikertu bitartean. Familia batek jarri du salaketa, gelan"behin baino gehiagotan" iruzkin tranfoboak egin dituela salatuz.

Espedientea zabaldu diote eta behin behinekoz ez da irakasle lanetan ariko. Hori da Hezkuntza Departamentuko Giza Baliabideen eta Funtzio Publikoaren Departamentuak erabaki duena Tafallako Institutuko irakasle bat zigortzeko, transfobia salaketa jaso ostean. Familia batek eman du abisua, irakasleak "behin baino gehiagotan" iruzkin transfoboak egin dituelako. "Oso larria" da ipini dioten falta. Kasua ikertzen ari da Hezkuntza orain. 

Irakasleak "gezurrak eta kalumniak" salatu ditu, ikasleei bidalitako email batean, eta esaldi tranfoborik esan ez zuela defendatu du. LGTBI legeari buruzko aipua egin zuela azaldu du, "komentario kritikoa". Honako adierazi du postan: "Ahal Duguk Espainiako parlamentuan aurkeztutako legeak guraso-agintea kentzen die gurasoei, haurrek eta nerabeek beren kabuz atzera bueltarik ez duten erabakiak hartzea baimenduz, gurasoen laguntzarik gabe eta medikuen aholkurik gabe". 

Lege horretan trans despatologizazioaren alde lerratu zen Ahal Dugu eta sexu eta genero orientazio guztiak errespetatu daitezen aldarrikatu zuen. 

 

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa