Hirigune atseginagoa egiteko plana martxan jarri zutenetik, eta Alde Zaharrean autoen sarrera galarazi eta Zabagunean aparkaleku zenbait kendu zituztenetik, egunero 100.000 euro galtzen dituzte erdiguneko -Alde Zaharreko eta lehen eta bigarren Zabalguneko- denda batzuek. Hori da Alde Zaharreko dendarien elkarteak salatu duena. Izan ere, "askoz jende gutxiago" joaten dela deritzote, "%10 inguru".
Merkataritza ganberarekin batera egindako 400 inkestetatik ondorioztatu dute datua; diotenez, inkestatutako denden %65-%80 inguruk galerak dauzkala salatu dute, "%10 eta %30 inguruko galerak".
Hirigune atseginagoa egiteko plana "porrota" izan dela salatu du Goñik, nahiz eta hiria "hobetzeko eta dinamizatzeko" nahiarekin bat egiten duen. Dendariek planari ekarpenak egin dizkiotela esan dute, baina denak atzera bota dituztela.
