Iruñerriko euskaldunon agerkaria
euskalerriairratia.eus

Elurra kentzeko 44 makina prest daude Nafarroan

Euskalerria Irratia 2017-11-30 08:43   Gizartea  Nafarroa

Gaur 17:00etatik aurrera, Nafarroako errepideak zainduko dituzte, elurrik pilatu ez dadin. 20 zentimetro arteko elur geruzak sor daitezke. www.incidenciascarreteras.navarra.es orrian errepideen egoera ikus daiteke.

Espainiako estatuko meteorologia agentziak (Aemetek) alerta naranja piztu du, izan ere, gaur, 24 orduan,12 zentimetro arteko elur pilaketa egon daiteke Nafarroako hainbat tokitan. Zonaldearen arabera, ezberdina da tasa: erdialdean, 18 zentimetro izan daitezke; eta Pirinioetan, 20.

Alerta ostiralera arte mantenduko da.

Makina bat errepide, makinen menpe

44 elur makina izanen dira elurra kentzeko prest eta honako errepide hauetan guztietan ibiliko dira: Iruñea-Behobian (N-121-A), Baztanen (N-121-B), Iruñea-Gasteizen (N-240-A), Leitzaranen (A-15), Sakanan (A-10), Nafarroako iparralderantz doan bidean (A-1), Iruñerriko ingurabidean (PA-30), makina bat portuetan eta Erronkari, Aezkoa, Ultzama, Ierri eta Goñiko bailaretan.

Webgunea kontsultagai

www.incidenciascarreteras.navarra.es webgunean eta 848 423 500 telefonoan Nafarroako errepideei buruzko informazio berritua eskaintzen dute. Nafarroatik kanpoko bidaietarako 011 telefonora deitu daiteke edota DGTren orria bisitatu: http://www.dgt.es/es/.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa