Sanferminetako bortxaketa Emakumeen Indarkeriaren kontrako Nafarroako Legeari, 14/2015 legeari, jarraiki epai dezatela eskatu dute Andreak eta Lunes Lilasek, eta ez 2004ko Espainiako Genero Legeari legeari segika, izan ere, estatu mailako legeak ez du indarkeria sexuala indarkeria matxistatzat hartzen; horregatik, emakumeak ez du epaiketa azkarrik izan eta ezin izan du Iruñera bertaratu gabe deklaratu.
Epaiketa "garbia eta bidezkoa" galdegin dute bi eragile feministek, auzi judizilean "genero formakuntza duten adituak" egotea eta erasoa pairatu zuen emakumeak "arreta psikologikoa eta juridikoa" izan ditzan.
Gizartean "bortxaketaren kultura" presente dagoela salatu dute, eta "hetoropatriarkatuaren beste aurpegietako bat" dela. Gainera, "erruntasuna" erasotzailearengan eror dadila eskatu dute, "ez biktimarengan".
Hedabideen ardura
Komunikabideei eskatu diete, "amarillismotik eta morbotik" ihes egin eta "genero ikuspegia" txertatzeko; "lan informatiboa gauzatzeaz ez ezik, lan formatiboa ere garatzea".
