Osasunbidean kexak aurkeztu; osasun-etxea okupatu; Osasun Kontseilariarekin eta Euskarabideako zuzendariarekin bildu; jende-katea osasun etxea inguratuz; sinadura bilketa... Asko dira Arrotxapeako osasun etxean mediku eta pediatra euskaldunak exijitzeko 'Osasun Etxeak eta biok euskaraz' plataformak egindako ekimenak. Orain, urrats bat gehiago eginen dute: manifestaziora deitu dute, azaroaren 25ean, larunbatarekin.
Arrotxapean mediku eta pediatra euskaldunak orain! lelopean aterako dira kalera, 12:00etan, osasun etxetik abiatuta. Herritarrei bertaratzeko gonbitea zabaldu diete.
