Espainiako Gobernuaren jarrera "errepresiboa" salatu dute, bai eta ANC eta Omnium Cultural elkarteetako Jordi Sanchezen eta Jordi Cuixarten espetxeratzea eta Kataluniako Gobernuko kideena.
Kataluniari begira bai, baina Nafarroako egoera ere gogoan hartu dute: konstituzionalak hamazazpi legeri helegitea jarrio diola aipatu dute eta "autogobernua" arriskuan dagoela. "UPN eta PPn gure autogobernua zalantzan jartzen ari dira Madrili 'laguntza' eskatu eta ezegonkortasuna eta aldaketak garatzeko zailtasunak sortuz", esan dute.
Demokrazia izeneko manifestua irakurri dute elkarretaratzea amaituta, eta Txoriak txori kantatu bai eta Agur zaharra ere.
Ekinklik.org egin ditu argazkiak eta bere webgunean aurki daiteke argazki bilduma osorik.