Iruñerriko euskaldunon agerkaria
euskalerriairratia.eus

Frankfurt eta Iruñearen arteko hegaldiak martxan daude gaurtik aurrera

Euskalerria Irratia 2017-11-06 08:25   Gizartea  Nafarroa

Lotura astean lau egunetan eskainiko du: astelehenetan, asteazkenetan, ostiraletan eta igandeetan; bi orduko iraupena duten bidaiak dira. Airoportura errazago iristeko billabesa zerbitzua hobetu du mankomunitateak. 

Gaurtik aurrera eta astean lau egunez, Iruñetik zuzen-zuzenean Frankfurtera joateko aukera izanen da. Astelehetan, asteazkenetan, ostegunetan eta igandeetan izanen dira hegaldiak, 12:30ean, eta 14:40an iritsiko dira Frankfurtera; Alemaniako hiritik 09:45ean aterako dira abioiak eta 11:45ean ailegatuko dira Nafarroako hiriburura. 

Aeroportu garrantzitsua da Frankfurtekoa, izan ere bertan eskala egin daiteke 300 norako baino gehiagotara iristeko, esaterako, Budapestera, Vienara, Moskura, Tokiora eta New Yorkera joateko.

Zerbitzua urtebeteko proba pilotua izanen da, Lufthansa konpainiaren eskutik. 

Billabesa ere martxan

Hegaldi berriekin bat, billabesa zerbitzua hobetu du Iruñerriko Mankomunitateak: tren geltokitik airoportura joanen den autobusa izanen da, hemendik aurrera. A billabesa izanen da, eta 06:00etatik 22:00etara osatuko du ibilbidea.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa