Izenik ez duten horiek omentzeko plaka ezarri dute Arrotxapean. Izenik ez duten horien aldeko plaka, baina hein handi batean Elhadji Ndiayerena: bertan hartu zuen atxilo poliziak, gaur urtebete, eta Iruñeko komisaldegian hil zen gero bihotz geldialdia baten ostean. Horregatik, omenaldia egin zion atzo SOS Arrazakeria Elkarteak.
Bizitza da handiena / Beltzen bizitzek axola dute irakur daiteke Martzelo Zelaieta eta Artika kaleen artean ezarritako oroigarrian.
"Protokoloak, bermeak eta baliabide juridikoak" eskatu zituen SOS Arrazakeriako ordezkari Beatriz Villahizan, "halako heriotzarik berriz ez gertatzeko". Omenaldia Ndiayerentzat ez ezik, haren gisara "baldintza antzekoetan hildako migratzaileena" ere izan zen.
Bertsio bateraturik ez
Epaitegiek esan dute arrazoi naturalak medio hil zela, Africa United eta SOS Arrazakeriak ordea salatzen dute "erantzun gabeko galdera gehiegi" daudela. Ahotsa.infok gertatutakoaren inguruko bideoa kaleratuko du gaur, "sekula ikusi gabeko irudiekin".
Elkarretaratzera dietu du SOS Arrazakeriak gaurko, asteazkenerako, 19:30ean izanen da, Nabarreria plazan.
