Elkarretaratzea egin dute Geroa Baik, EH Bilduk, Ahal Duguk eta Ezkerrak Nafarroako parlamentuan, Jordi Cuixart Omnium Culturaleko presidentearen eta Jordi Sanchez ANC Biltzar Nazional Katalaneko buruaren espetxeratzea salatu eta Kataluniako herriari "elkartasuna" adierazteko. Geroa Baik, EH Bilduk eta Ahal Duguk aurkeztutako adierazpena onartu du legebiltzarrak, Ezkerraren babesarekin eta UPN eta PSNren kontrako botoekin -PP ez da eledunen mahaian izan-.
Kataluniako herriaren erabakia "errespetatu" egin behar dela esan du Adolfo Araizek (EH Bildu). Bestalde, Geroa Baiko Koldo Martinezek adierazi du preso politikoak direla. "Estatu espainiarrean bi preso politiko gutxienez badira eta Jordi biak dira".
Bestalde, PSNk aurkeztutako deklarazio baten harira, Kataluniako "aldebakarreko independentzia adierazpena" gaitzetsi du legebiltzarrak, UPNk ere aldeko botoa eman baitu, bai eta orduantxe iritsitako PPNk, baita Ezkerrak ere.