Osteguneko Parlamentuko osoko bilkuran onartu beharko litzatele Polizien Legea. Eta egun hori iritsi aurretik aukera guztiak ari dira lantzen Legeak aurrera egin dezan. Oraingoan Geroa Bai eta EH Bildu APF et CSIF/SPF sindikatuekin ari dira negoziatzen. Bi sindikatu horiek dute gehiengoa eta Polizien Legea gustatzen ez zaiela adierazi badute ere, saiatzen ari dira bi alderdi horiek zuzenketa partzialen bidez egiten dituzten eskaerak txertatzen Lege hori egokitzeko.
Zer ari dira negoziatzen zehazki?
Alde batetik sindikatuek eskatzen dutena da konpentsa diezaietela gainditzen dituzten proba fisiko guztiak (boluntarioa izaten sgeituko luke eta ez betebehar bat). Hala, 126 ordu eskuratuko lituzkete deskantsu gisara edo oinarrizko soldatan %17ko igoera. Ratioan ere aldaketak eskatu dituzte sindikatuek: 1.000 biztanleko 2,2 agente izatea.
APF eta CSIF/SPF Foruzaingoan gehiengo sindikala dira. Azken negoziazioetan lortzen ari direna asteazkenean euren afiliatuekin botaziora jo beharko luketela nabarmendu dute. Resoluzio hori, afiliatuek erabakiko luketena erabakigarria litzateke Podemos-Ahal Duguk eta Izquierda-Ezkerrak babes dezaten Polizien Legea. Horrek ahalbidetuko baitu osoko zuzenketak erretiratzea, adibidez.
