"Departamentua kudeaketa okerra egiten ari da, konturatu gabe zer nolako eragin negatiboa sortzen ari den irakasleengan eta oro har hezkuntza komunitatearengan", hala kritikatu dute Steilas sindikatuko Amaia Zubietak eta ELA sindikatuko Ainhoa Fernandezek. Aurrekontu gehiago behar da hezkuntza publikoa duintzeko, eta ez dira ari halakorik egiten.
Hezkuntzan Kalitatea Hobetzeko Itun bat adostea ezinbesteko jo dute. Eta Bigarren Hezkuntzan irakasle izateko masterra eskatzearen afera bezalakoak ekiditeko baliabideak izan daitezke. Hain zuzen, masterra eskatzearen kudeaketa hori ere ez dutela egoki bideratu iruditu zaie.
Urriaren 20rako mobilizazioak deitu dituzte hezkuntzan egiten ari diren kudeaketa kritikatzeko.
