Zenbait urtez Camilo Castilla ardotegiko zuzendaritza eraman zuen PPko parlamentari Ana Beltranek. Zehazki, eta berak hala esanda, 1987tik 2008. urtera arte. Dagoeneko ez dago ardotegiaren inongo kargutan baina haren senitartekoak badira akziodunak. Hartzekodunen lehian sartu berri da ardotegia. Duen zorpetze handiaren eta zailtasun ekonomikoaren erruz beste aukerarik ez zegoelako sartu da hartzekodunen lehian.
Aurretik ere ezagutu genuen enpresaren zorpetzea handia zela. Duela hilabete batzuk Nafarroako Ogasun Departamentuak zordun handienen zerrenda argitaratu zuelarik han ageri baitzen Camilo Castilla ardotegia. Zehazki 687.000 euro zor dizkio enpresak Ogasunari.
