Espainiak 17.000 errefuxiatu hartzeko konpromisoa sinatu zuen duela bi urte. Baina kopuru hori oso urrun gelditu da errealitatetik: 1.984 pertsona baino ez ditu hartu Espainiak, zegokionaren %12. Gizarteak eta hainbat kolektibok bi urte baino gehiago daramatzate behar den bezalako harrera egin behar dela aldarrikatzen; konpetentziak konpartitzeko eskatzen; asilo-eskubidea ez zapaltzeko eta atzerritarren legea indargabetzeko eskatzen; familia bateratzeak eta bidaia seguruak exigitzen. Azken finean,bizia errrespetatzeko eta benetako harreraegiteko. Honek guztia ez du erantzunik izan eta gainera honetan saiatu diren pertsona ,erakunde eta instituzioei traba guztiak jarrizaizkie. Isiltasun hori koldarkeria baino ez da.
Hori gutxi balitz,iraintzen gaituzte eta Europar Batasunari “Princesa de Asturias a la Concordia” delako saria emanen diote urriaren 20an,Oviedon,”munduan barna askatasuna,giza eskubideak eta elkartasuna bezalako baloreak ezarri eta zabaltzeagatik”.
Horregatik, gaur, Espainiako gobernuaren eta Europako estatu gehienen arduragabekeria salatu nahi dute. Horretarako deitu dituzte herritarrak arratsaldeko 19:00etan Gazteluko plazatik aterako den manifestaziora, "faltan somatzen dugulako lehenik eta behin, iritsi ezdiren pertsonak, ez zaielako utzi edo tasaiakeran hil direlako. Faltan somatzen dugu baita ere gobernatzen dutenen zentzutasun eta elkartasun eza. Halaber faltan somatzen ditugu justizia soziala eta bake zaletasuna. Faltan somatzen dugu gatazkak dauden herri aldeetan bertan soluzio errealak bilatzekoa halegin urria edo eza, gatazka hauek baitira askotan pertsonak migratzera bultzatzen dutenak".
