Iruñeko Udala murgilduta dago Alde Zaharrean "mugikortasun atseginagoa" sortzeko lanean. Horren bueltan sortuko du Kostalapea plazaren inguruetan, Trinitarioetan, autoak aparkatzeko gunea, Ekainean inauguratu zuten karabanentzako aparkalekua eta hain zuzen gune horren parean izanen da orain 180 leku izanen dituen kotxeentzako tokia. Gaur hasiko dituzte lanak eta bost egun beharko dituzte amaitzeko. Gero, bertan autoak doan uzteko aukera izanen da. Aurrerago gainera baliteke billabesarekin erdigunera hurbiltzeko tiket bereziak ere eskaintzea bertan kotxea uzten dutenentzat. Sanferminetan orube horretan barrakak muntatzen dituzten feriatzaileak izaten dira aparkatuak eta hemendik aurrera ohiko aparkaleku izanen da.