Tutera, Uharte, Biana, Altsasu eta San Adriango udalek antolatuta eta Quiero Teatro konpainiak ekoiztuta, aurten Nafarroako Zirko Jaialdiaren XVI. edizioa eginen da abuztuaren 30etik irailaren 3 bitartean.
Asteazkenean Tuteran abiatuko da parte hartuko duten lau konpainien ibilaldia. Hurrengo egunean, ostegunean, Iruñerriko Uharte herrian izanen dira, ostiralean Bianan, larunbatean Altsasun eta igandean San Adrianen.
Emanaldi guztiak doakoak izanen dira eta arratsaldeko 18:00etan abiatuko dira.
Lehenbizi Bilboko Malas compañías taldeak “Txatarra” ikuskizuna eskainiko du. 19:00etan Zaragozako D’Click taldeak “Isla”, 20:00etan Granadako Vol’e tempes taldeak “Mundos de papel” eta 20:50etan Antonio Vargasek “Vertical” flamenkoa eta oreka uztartzen dituen ikuskizuna eginen du.
Belen Alvarez Quiero Teatro konpainiako kideak jaialdiaren berri eman digu Guardasola saioan.
