Uztailaren 26an argitaratu zen deialdia Nafarroako aldizkari ofizialean eta abuztuaren 16ra arte eska daitezke.
Lau arlotan banatuko dira: laguntza humanitariorako, 170.000 euro; osasunerako, 80.000; Saharako administrazioak indartzeko, 26.750; eta Hezkuntzarako, 25.000.
Sahararena auzi politikoa da
Giza Eskubideen sailak bideratutako laguntzen parte da sail hau; iaz Saharako kanpamentuetan izan zen Nafarroako Gobernuko eta parlamentuko delegaritza bat eta orduan adostu zuten Saharako herria lagunzea.
Bi xede dauzkate laguntzek: bat, "pobreziaren kontrako borroka"; eta bi, "giza garapenaren sustapena".
Laguntzak esleitzeko kontuan izanen dituzten faktoreak honako hauek dira: besteak beste, zein den gobernuz kanpoko erakundea eta zein den haren tokian tokiko kidea; ekintza proposamena; proiektuaren egokitzapena tokiarekiko eta esku hartzearen kalitatea.
Nafarroako Gobernuak azpimarratu du "auzi politikoa" dela Saharako herriarena eta konpondu egin behar dela erreferenduma deituz.
