Larri dago Eugiko 28 urteko gazte bat, Elizondoko bestetan, liskar bat egon zenean, kolpea hartu baitzuen buruan: traumatismo kraneoenzefalikoa dauka eta mandibula hautsia. Oraindik ez dago gertaeraren inguruko informazio argirik.
Foruzaingoak bi gazte atxilotu ditu, borrokaldiarekin lotura izan dezaketelakoan: bat, Arrekoa eta bestea, Iruñekoa. 21 urte dauzkate biek. Horrez gainera, ikerketa abiatu du Poliziak gertatutakoa argitu asmotan, bideo irudiak biltzen ari da orain eta lekukoen bila.
Elizondoko foruen plazan izan zen liskarra, kalezulo batean.
