Igandea. Goizeko 8:30ak. Altsasuko hiru gazte sanferminetaz gozatzen ari ziren. Horietako batek soinean Altsasukoak Aske dioen elastikoa darama. Espainiako polizia gerturatu eta hiruak identifikatzeaz gainera "mehatxatu" egin zituztela salatu dute hiru gazteek. "Zuek denok terroristak zarete, beti elkarrekin zabiltzate" esan zieten. Eta kamiseta hori "legez kanpokoa" zela ohartarazi zien polizietako batek. 600 euroko isuna jarri zieten horregatik.
"Elkartasuna ez da delitua" horixe islatu zuten Altsasun elkarretaratzean atzo bertan. Hiru herritarrek kamiseta eramategatik jasandako "mehatxu eta zigorrengatik" kalera irten ziren hainbat bizilagun.
